Hello呢位姊妹第一次過嚟搵我✨ 佢一坐低就同我講，自己一直有電髮嘅習慣，但有時會好難打理🥺 加上而家頭髮好長太重，所以今次只想剪短啲，做返一啲好自然、唔誇張嘅彎紋就夠。 呢位姊妹都好清楚自己嘅喜好，唔鍾意染髮💈今次淨係想電髮，所有細節、造型風格，全權交俾我幫佢 其實每個客人可以咁放心，將成個頭交俾我內心都好感動🥰 呢份百分百信任，係我做髮型師最珍貴嘅肯定❤️ 我同佢講先解決頭頂扁塌問題，再幫佢剪返大層次。 因為長剪短好容易好笨重，層次做出嚟，成個人先會輕盈、清爽💁‍♀️ 佢聽完即刻放心：交俾你，我絕對放心！ 成個做頭過程超輕鬆，我哋一路傾偈、一路分享生活😌 打理都好簡單，亂咁吹乾搽髮尾油就出得門口✅ 其實整頭從來唔只係變靚，有時都會想有一個短暫嘅治愈、放空吓有一個自己嘅me time 🌿