想換個白金奶油色？漂頭前一齊留意依幾點 ✨ 今次幫靚仔漂咗呢款好乾淨嘅奶油金，成個感覺即刻好有精神。 好多人都想試吓漂淺，不過漂頭其實有少少似一場持久戰， 有啲小日常細節想同大家分享返： 過往染髮歷史好重要： 如果以前自己用過泡泡染或者染過深色，頭髮好容易會卡色。 嚟到記得老實話我知之前整過咩，等我可以幫你好好控制漂粉同時間，唔好傷到髮質🫶🏻 當日記得瞓飽啲： 雖然我一定會同你整足頭皮隔離， 但漂頭當日如果瞓唔夠，頭皮可能會比較敏感。 所以嚟之前個晚記得瞓飽啲，同埋唔洗頭就最完美，留返層天然油份保護頭皮。 返屋企嘅打理： 漂完之後，日常可以用返去黃（補色）洗頭水， 同埋吹頭前搽少少護髮油。好似片入面咁， 輕輕抓返少少線條，個白金色就會keep得好乾淨、好有質感。 時間要預鬆少少： 要漂到呢種均勻度、同時保護好頭皮同髮質， 過程真係需要時間慢慢褪色，嚟到交個頭俾我，慢慢坐低煲個劇就fit啦。 畢竟每個人嘅頭皮狀況同以前染過嘅底色都唔同， 所以漂頭前我一定會同你傾清楚先動手。 如果你都考慮緊轉變形象，或者對漂頭有任何顧慮， 隨時直接 DM 搵我傾傾先啦！ @chill.hairsalon_hk