第一眼望落去，覺得把頭髮電唔到😅 今次係一個好大嘅挑戰，首先客人係第一次過嚟，我完全唔了解佢個頭點解會變得咁乾旱😅每一次進行電髮，客人過去兩至三年嘅整頭歷史，對我嚟講係非常之重要‼️會直接影響我處理藥水運作嘅判斷，而且呢把頭髮天生攣、毛燥鬆散同嚴重折斷，呢一種髮質一不小心，就會電得太攣，完全做唔到大波浪嘅效果😅 經過同客人溝通了解，基本上知道佢頭髮乾旱嘅主要原因，係因為用咗泡泡染髮，當然佢之前都有電髮嘅習慣，只係每次電髮佢都好唔滿意！今次我決定接受呢個挑戰，我自己就好滿意個效果，當然佢都好開心🤭滿足🩷 ⭕️喺電頭髮嘅世界，頭髮嘅髮質健康，會直接影響電出嚟嘅彈力！想把頭髮電得靚啲，就要做多啲修護保護好啲頭髮喔😉