今日有位客人嚟到，戴住口罩，眼紅紅。 佢坐低之後冇講嘢，拎咗部電話出嚟，打字俾我睇。 我先知，原來佢病到失咗聲。 佢打字話：『Yan，我book咗你好耐，唔想cancel，你幫我諗啦。』 我望住佢，心都暖晒。 我話：『你放心，你唔洗出聲，交俾我話事。』 佢想留長頭髮，但又頂唔順個尷尬期。 我幫佢保留晒長度，用一個外翹燙，轉晒成個風格。 有型得嚟，仲可以繼續留長。 成個過程，我哋冇咩對話。 佢對眼會笑，又會係咁點頭。 做完出嚟，佢望住塊鏡，然後拎起電話，打咗三個字俾我： 『好靚呀』 呢一行字，重過千言萬語。