今日呢位客人嚟到，我一眼就見到佢個分界——好明顯，前陰又好薄，成個頭睇落好塌、好冇精神。 佢同我講：「Yan，我想染個新顏色，但唔知染咩好，你幫我揀啦。」 我同佢講：「顏色我可以幫你揀，但首先要解決咗你個分界問題先。你個分界太死，所以分界位好明顯見到頭皮。」 所以我今日幫佢做咗一個 毛流矯正 —— 簡單嚟講，就係用藥水同手法，教返佢啲頭髮向返正確方向生長，等個分界位冇咁明顯，前陰睇落即刻厚返。 之後先到顏色。我幫佢揀咗一隻 霧感橙啡色。 點解揀呢隻色？因為夏天啦，深色睇落會好熱好油。霧感橙啡帶少少通透感，光線下面會有光澤，但又唔會太誇張，啱晒想低調轉變嘅女仔。 做完出嚟，佢望住塊鏡係咁撥自己啲前陰，話： 「終於唔洗成日撥側邊遮住個分界啦！」 呢個就係我嘅理念：唔係淨係幫你染靚個頭，係幫你解決困擾你嘅問題。 💇🏻‍♀️ 你有分界明顯、前陰薄嘅煩惱？DM張相俾我，免費話你知點搞。 💾 夏天搵我幫你執返個頭。