《Hyper New Years》 每年農曆年年尾，大量工作令到腎上線素持續分泌，每日做嘢都會好Hyper，去到後期仲會有啲醉醉地咁，好似飲咗酒，或食咗大麻咁嘅Feel，腦轉數暴走，個人好似傻傻地咁，會非常多嘢講，所以喺呢段時間客人見到阿Ray極俏皮嘅一面請唔好見怪☺️ 然而呢個時候我通常會唔記得晒上堂學過啲乜，做嘢全憑即興，雖然只憑反射神經剪頭髮對傳承同複製非常不利，但其實呢啲情況反而會發現不少新大陸，例如會發現新嘅剪法，或造型方式，突破到不少框框，呢種喜悅又好難喺循規蹈矩中得到嘅😌 所以一年一次，比我hyper下啦😆