《眉毛會唔會越修越靚？》 間中就有客仔問我：眉毛會唔會越修越少？ 或者：修完眉生翻出嚟會唔會有改變？ 大部份情況下，眉毛其實都係會生翻你原本有嘅毛出嚟～ （但係要注意眉毛唔好掹斷/剃眉毛等等 情況另計 之後有機會詳細講） 亦有好多因素影響你某段時期嘅眉毛嘅生長情況，包括皮膚狀態、心情好唔好、瞓得好唔好（係㗎關事㗎 又係之後再出post詳細講） 而部份情況下，眉型有機會隨住你定期修理，可以越修越靚、越生越貼近你想要嘅眉型添～ 作品圖嘅呢個客仔，係非常好嘅一個例子🫶🏻 可以見到兩年前，就算修同一個粗幼度同長度，眉尾都係微微向上飛；兩年後嘅今日，同一個粗幼度同長度嘅情況下，眉尾可以做到客仔想要嘅平平自然彎落嚟～ 你就會知道點解呢位客仔一開始冇辦法做到佢想要嘅「自然彎落嚟」。因為佢本身天生毛流就係眉尾嘅毛向上生，將加上本身眉毛比較硬，毛流並唔係靠一次修眉就可以改變嘅事，所以唔可以夾硬修平，否則只會又幼又短。 係最近期一次嘅前後對比，見到修得多嘅眉尾毛已經有慣性向打橫偏彎下生長。當然都仲有一部份繼續維持天生咁樣向上生，但係已經改善好多，有足夠眉毛慢慢留長留彎🥹🫶🏻 再加上客仔自從開始有畫眉習慣之後，有要求將眉毛剪薄啲，所以成堂眉再柔和咗好多～ 係呀，眉毛係可以越修越靚㗎🤍 ➖➖➖➖➖➖➖➖ 預約 | 網站預約 kibstudio.com 查詢 | WhatsApp或IG dm